loader
Foto

लडाख तणाव: खिळे असलेल्या काठ्यांनी भारतीय जवानांवर हल्ला

बीजिंग: भारत आणि चीनच्या दरम्यान लडाख सीमेवरील तणाव आणखीच वाढला आहे. सोमवारी रात्री झालेल्या संघर्षात भारतीय लष्काराचा एक अधिकारी आणि दोन जवान शहीद झाले. तर, चीनचेही काही सैन्य ठार झाले आहे. चीनच्या सैनिकांनी भारतीय जवानांवर खिळे असलेल्या काठ्यांनी हल्ला केला असल्याची माहिती सूत्रांनी दिली आहे.

एक वृत्तवाहिनीने दिलेल्या माहितीनुसार, लडाख सीमेवरील तणाव निवळण्यासाठी भारत आणि चीनमध्ये चर्चा सुरू आहेत. लष्करी पातळीवर या चर्चा सुरू आहे. पीपी१४-१५-१७ वरून चीन पुन्हा माघारी फिरणार असल्याचे ठरले. मात्र, चिनी फौजांनी माघार घेण्यास नकार दिला. भारतीय जवानांनी देखील चीनच्या सैन्याला समजवण्याचा प्रयत्न केला. या दरम्यान दोन्ही सैन्यांमध्ये वाद वाढला आणि चिनी फौजांनी हल्ला केला असल्याची माहिती समोर आली आहे.

चिनी फौजांनी भारतीय जवानांवर दगडफेक केली. त्याशिवाय लोखंडाच्या वस्तू. खिळे असलेल्या काठ्यांनी भारतीय सेनेवर हल्ला केला. या हल्लाचे नेतृत्व करणारा एक अधिकारीदेखील गंभीर जखमी झाला असल्याचे समोर आले आहे. मात्र, चीन आणि भारताकडून याबाबत काहीही अधिकृत वृत्त समोर आले नाही.


दरम्यान, चीनने भारताविरोधात बोंबा मारण्यास सुरुवात केली आहे. भारतीय सैन्यानेच चीनच्या सैनिकांवर हल्ला केला. त्याच्या प्रत्युत्तरात भारतीय जवानांना प्राण गमवावे लागले असल्याचे चीनने म्हटले आहे. सीमावाद हा चर्चेतूनच सोडवण्यात येणार असल्याची भूमिका चीनने मांडली आहे. चीनच्या परराष्ट्र मंत्रालयाने म्हटले की, भारतीय सैनिकांनी दोन वेळेस सीमा ओलांडून चिनी सैनिकांना उकसवण्याचा प्रयत्न केला. भारतीय जवानांची ही कृती दोन्ही देशांमध्ये झालेल्या सहमतीविरोधात आहे. दोन्ही देशांच्या सैनिकांमध्ये शारिरीक संघर्ष झाला. भारताने आपल्या जवानांवर नियंत्रण ठेवणे आवश्यक असून त्यांच्या या कृतीमुळे सीमा प्रश्न आणखी जटील होऊ शकतो असेही चीनने म्हटले.

Recent Posts