loader
Foto

पाकिस्तानमध्ये गाढवांची संख्या वाढली; अर्थव्यवस्था सावरणार!

इस्लामाबाद: करोनामुळे अर्थव्यवस्था संकटात आली असताना दुसरीकडे पाकिस्तान सरकारला दिलासा देणारी बातमी समोर आली आहे. पाकिस्तानमध्ये गाढवांची संख्या वाढली असल्याचे आर्थिक सर्वेक्षणात समोर आले आहे. वर्ष २०१९-२० मध्ये पाकिस्तानमध्ये गाढवांच्या संख्येत एक लाखाने वाढ झाली आहे. गाढवांच्या व्यापारातून पाकिस्तानची कमाई होते. त्यामुळे या वाढलेल्या संख्येमुळे पाकिस्तानच्या अर्थव्यवस्थेला हातभार लागणार आहे.

चीनला पाठवणार ८० हजार गाढवं
पाकिस्तानमध्ये आता गाढवांची संख्या ५५ लाखाच्या घरात गेली आहे. एका करारानुसार, पाकिस्तान चीनला दरवर्षी ८० हजार गाढवं पाठवतो. या गाढवांचा उपयोग मांस आणि इतर उत्पादनासाठी करण्यात येतो. गाढवाच्या चामड्याचा वापर विविध उत्पादनात करण्यात येतो. चामड्यातून काढण्यात येणाऱ्या एका खास जिलेटीनचा वापर अनेक प्रकारच्या औषधात करण्यात येतो. गाढवांच्या व्यापारामध्ये अनेक चिनी कंपन्यांनी लाखो डॉलरची गुंतवणूक केली आहे. पाकिस्तान हा गाढवांची सर्वाधिक संख्या असणारा देश आहे. प्रजातीनुसार गाढवांच्या किंमती ठरवल्या जातात.

गाढवांच्या विक्रीतून नफा
पाकिस्तानमध्ये एका गाढवाच्या चामड्याची किंमत ही १५ ते २० हजारांच्या घरात असते. या चामड्याच्या विक्रीतून पाकिस्तान चांगली कमाई करते. त्याशिवाय गाढवांवर उपचारासाठी खास वेगळे रुग्णालयेदेखील आहेत.

Recent Posts