loader
Foto

Input Tax Credit Fraud: नाशिकमधील बड्या बिल्डरला बेड्या; केला 'हा' गंभीर गुन्हा

नागपूर: बनावट देयकांद्वारे इनपुट टॅक्स क्रेडिट मिळवणाऱ्या नाशिक येथील एका नामांकित बांधकाम व्यावसायिकाला डीजीजीआय नाशिक प्रादेशिक विभाग, डीजीजीआय नागपूर विभागीय कार्यालयाच्या अधिकाऱ्यांनी अटक केली आहे. ( Input Tax Credit Fraud Latest News Updates )अटक करण्यात आलेला बांधकाम व्यावसायिक अस्तित्त्वात नसलेल्या कंपनीच्या नावाने बनावट देयके जारी करायचा. त्या देयकांच्या आधारे तो इनपुट टॅक्स क्रेडिट मिळवित होता. क्रेडिटचा उपयोगजीएसटी विवरणपत्र दाखल करण्यासाठी करत असल्याची माहिती डीजीजीआयला मिळाली. त्यानुसार कारवाई करण्यात आली. या व्यावसायिकाने ओळख पटू नये यासाठी पूर्वीच्या नावाने केलेली जीएसटी नोंदणी रद्द केली. त्यानंतर नवीन नावाने नोंदणी केली. मात्र, हा संपूर्ण गैरव्यवहार ऑनलाइन डेटा मायनिंग टूल्सच्या मदतीने उघडकीस आला. रद्द केलेल्या नोंदणीची संपूर्ण माहिती मिळवण्यात आली आणि इनपुट क्रेडिट घेतल्याचेही छाप्यांदरम्यान आढळून आले. अतिरिक्त महासंचालक, डीजीजीआय, नागपूर विभागीय युनिट यांनी जारी केलेल्या अटक वॉरंटच्या आधारे या बांधकाम व्यावसायिकाला डीजीजीआय, नाशिक प्रादेशिक युनिटच्या अधिकाऱ्यांनी अटक केली. याप्रकरणी बांधकाम व्यावसायिकाकडून पंचेवीस लाख रुपये वसुल करण्यात आले असून ही संपूर्ण रक्कम लवकरच जमा करण्यात येणार आहे.

व्यावसायिकाने दिली कबुली
पश्चिम बंगालमधील अस्तित्वात नसलेल्या आणि कोणतीही वस्तू किंवा सेवा न पुरविलेल्या कंपनीच्या नावाने बनावट देयके सादर करण्यात आली. त्याआधारे या बांधकाम व्यावसायिकाने ४.८६ कोटीइतक्या इनपुट टॅक्स क्रेडिटचा लाभ घेतला. चौकशीदरम्यान बनावट देयकांच्या आधार इनपुट टॅक्स क्रेडिट घेतल्याची कबुली व्यावसायिकाने दिली आहे.

Recent Posts