loader
Foto

पाणी दरवाढ प्रस्ताव फेटाळा!

नागपूर: मनपा प्रशासनाने स्थायी समितीकडे दिलेला पाच टक्के पाणी दरवाढीचा प्रस्ताव स्थायी समितीने फेटाळावा, असे निवेदन ज्येष्ठ नगरसेविका आभा पांडे यांनी सभापती पिंटू झलके यांना शुक्रवारी दिले. सध्या करोना काळात नागरिकांची आर्थिक परिस्थिती अत्यंत वाईट असून, गेल्या दहा वर्षांपासून ही दरवाढ होत असल्याकडेही त्यांनी लक्ष वेधले.

आयुक्तांना पाच टक्के पाणी दरवाढीचा अधिकार आहे. त्यानुसार स्थायीकडे हा प्रस्ताव देण्यात आला आहे. ३ ऑगस्टच्या बैठकीत हा प्रस्ताव चर्चेला येणार आहे. प्रस्तावात १ ते २० युनिटपर्यंत ८.१३ पैसे, २० युनिटपेक्षा जास्त वाढ आहे. २१ ते ३० युनिटपर्यंत १३.०३ पैसे, ३१ ते ८० युनिटपर्यंत १६ रुपये ९३ पैसे तर, ८० युनिटपेक्षा जास्त वापरास २४.४३ रुपये असा दर आकारला जाणार आहे. ही दरवाढ सर्वसामान्यांचे कंबरडे मोडणारा आहे. नागपूरकर आधीच विविध देयक वाढीवरून त्रस्त आहेत. मालमत्ता कर, वीज देयके यावरून नागरिकांमध्ये संताप आहे. अशात पाणी दरवाढ ही आर्थिक बोझा वाढविणाारा ठरेल, असे पांडे यांनी नमूद केले आहे.

Recent Posts