loader
Foto

ताडोब्याचे दरवाजे १ ऑक्टोबरला उघडणार

चंद्रपूर: ताडोबा-अंधारी व्याघ्रप्रकल्पातील बफरसोबतच आता कोअरमधील पर्यटन येत्या १ ऑक्टोबरपासून सुरू होणार आहे. येत्या १६ सप्टेंबरपासून यासाठी ऑनलाइन बुकिंगची सोय उपलब्ध होणार आहे.

करोनाच्या संकटामुळे १८मार्चपासून ताडोबा प्रकल्प बंद करण्यात आला होता. १ जुलैपासून मान्सून पर्यटन सुरू झाले. थेट बुकिंगच्या माध्यमातून पर्यटकांना प्रवेश दिला जात होता. आता ऑनलाइनची सोयही उपलब्ध होणार आहे. पर्यटकांना www.mytadoba.org या नव्या संकेतस्थळावरून आरक्षण करता येणार आहे, अशी माहिती ताडोबा-अंधारी व्याघ्र प्रकल्पाचे क्षेत्र संचालक डॉ. जितेंद्र रामगावकर यांनी दिली आहे. दरम्यान, करोनामुळे प्रकल्पाने नियम आखून दिले आहेत. प्रवेशापूर्वी तापमान तपासले जाईल. आजारी असल्याचे दिसून येताच प्रवेश नाकारण्यात येणार आहे.

कुणाला प्रवेश?
-ओपन जिप्सीत चालक, मार्गदर्शक व चार पर्यटकांना मंजुरी
-दहा वर्षांखालील व ६५ वर्षावरील व्यक्ती, गर्भवतींना बंदी

Recent Posts