loader
Foto

टागोरांची कविता धोका नाही, मग अॅप धोका कसा? बंदीवर चीनचा हास्यास्पद बचाव

बीजिंग: भारताने चीनवर पुन्हा एकदा डिजीटल स्ट्राइक करत ११८ अॅपवर बंदी घातली. त्यानंतर चीनने या अॅप बंदीवर नाराजी व्यक्त केली. आता आपल्या बचावासाठी चीनने हास्यास्पद दावा केला आहे. योग आणि रविंद्रनाथ टागोर यांच्या लोकप्रियतेचा हवाला देत चीनने अॅप बंदीवर प्रश्नचिन्ह उभे केले आहे.

भारताने डेटा चोरी आणि राष्ट्रीय सुरक्षितेच्या मुद्यावर चीनच्या अॅपवर बंदी घातली आहे. आतापर्यंत २२४ चिनी कंपन्यांवर बंदी घातली आहे. यामध्ये टिकटॉक, हॅलो, पबजी, कॅम स्कॅनर अशा विविध अॅपचाही समावेश आहे. अॅप बंदीवर चीनने आपली नाराजी व्यक्त केली असून अशी बंदी घालणे गुंतवणूकदारांच्या विरोधात असल्याचे चीनने म्हटले. ही कारवाई भेदभाव करणारी असल्याचेही चीनने म्हटले. चीनच्या परराष्ट्र मंत्रालयाच्या प्रवक्त्यांनी सांगतिले की, रविंद्रनाथ टागोर यांच्या कविता चीनमध्ये लोकप्रिय आहेत. भारतीय योग देखील मोठ्या प्रमाणावर लोकप्रिय होत आहे. मात्र, कविता आणि योग हे चिनी संस्कृतीवर आक्रमण आहे, असे आम्ही समजत नसल्याचे त्यांनी सांगितले.

भारताने केलेली अॅप बंदी ही जागतिक व्यापार संघटनेच्या कराराचे उल्लंघन असल्याचे चीनने म्हटले आहे. भारताने निष्पक्ष पद्धतीने कोणत्याही भेदभावाशिवाय व्यवसाय, व्यापारासाठी वातावरण तयार करण्याची आवश्यकता असल्याचे चीनने म्हटले आहे. अॅप बंदीचा मुद्या अतिशय गांभीर्याने घेतला असल्याचे चीनने म्हटले आहे.

लडाखमधील पॅन्गाँग त्सो सरोवराजवळ चीनने घुसखोरीचा प्रयत्न केला. त्यानंतर भारताने सुरक्षितेच्या कारणास्तव चिनी कंपनीच्या ११८ अॅपवर बंदी घातली. यामध्ये पबजी, लिविक, व्हीचॅट वर्क आणि व्हीचॅट रीडिंग, अॅपलॉक, केरम फ्रेंड्स यासारख्या अॅप्सचा समावेश आहे. चीनच्या वाणिज्य खात्याने म्हटले की, भारताने अॅप बंदीचा निर्णय घेणे म्हणजे चिनी गुंतवणूकदार आणि सेवा पुरवठादारांच्या कायदेशीर अधिकारांचे हनन करण्यासारखे आहे. चीन या बंदीच्या निर्णयाला घेऊन गंभीर असून त्याचा पूर्णपणे विरोध करणार असल्याचे त्यांनी सांगितले.

Recent Posts