loader
Foto

explainer करोनाचा नवीन प्रकार खरंच धोकादायक? काय म्हणतात शास्त्रज्ञ

करोनाशी जगभरातील देश दोन हात करत असताना मलेशियात करोनाचा नवीन प्रकार आढळला होता. हा विषाणू D614G म्हणून ओळखला जातो. मलेशियाच्या आरोग्य विभागाने केलेल्या दाव्यानुसार या नव्या विषाणूच्या संसर्गाचा वेग १० पट अधिक आहे. मात्र, मलेशियाच्या या दाव्यावर जगभरातील संशोधकांनी प्रश्न, शंका उपस्थित केली आहे.

करोना विषाणूच्या नव्या प्रकारावर अनेकांनी प्रश्न उपस्थित करत असा विषाणू नसल्याचा दावा काही संशोधकांनी केला आहे. सिंगापूरच्या शास्त्रज्ञांच्या मते, हा विषाणू १० पट अधिक वेगाने संसर्ग फैलावतो या दाव्याला आधार नाही. करोना विषाणूचा D614G हा प्रकार याआधीपासून सिंगापूरमध्ये आहे. त्याशिवाय सध्या विकसित होत असलेल्या लशीवर या स्ट्रेनचा काहीही फरक पडणार नाही. D614G प्रकार हा फिलीपाइन्समध्येही आढळला असल्याचे त्यांनी सांगितले.

ड्युक-एनयूएस स्कूलमधील संसर्गजन्य आजाराचे तज्ञ वांग लिंफा यांनी 'द स्ट्रेच टाइम्स' ला सांगितले की, अशा प्रकारचा कोणताही वैज्ञानिक पुरावा नाही. ज्या आधारे करोनाचा D614G हा १० पट अधिक वेगाने संसर्ग फैलावू शकतो. प्रा. ओई इंग इओंग यांनी सांगितले की, या प्रकाराच्या विषाणूचा लशीवर कोणताही परिणाम नाही. विकसित करण्यात येत असलेल्या लशीतून निर्माण होणाऱ्या अॅण्टीबॉडी करोनाच्या स्पाइक प्रोटीनला अटकाव होणार आहे.

संसर्गजन्य रोगांचे आणखी एक तज्ञ हसू लियांग यांनी सांगितले की, विषाणूचा हा नवीन प्रकार फेब्रुवारीपासून जगभरात आढळला आहे. सिंगापूरमध्ये फेब्रुवारी ते जुलैपर्यंत या करोनाचे १०० रुग्ण आढळले. फार कमीजणांमध्ये या विषाणूची बाधा झाली असल्याचे समोर आले आहे. त्यामुळे D614G या विषाणूमुळे हजारोजण बाधित झालेत असे म्हणणे चुकीचे ठरेल असेही त्यांनी म्हटले.

प्रा. वांग यांनी सांगतिले की,जनुकीय दृष्ट्या हा विषाणू अधिक मजबूत आहे. मात्र, हा विषाणू अधिक वेगाने फैलावतो असा त्याचा अर्थ होत नाही. फिलिपाइन्सच्या जीनोम सेंटरने सांगितले की, क्युजेन शहरातून जमा करण्यात आलेल्या नऊ नमुन्यातून G614 विषाणू आढळला आहे. या विषाणूच्या D614मधून D614G हा विषाणू तयार होतो. या D614G अधिक वेगाने फैलावतो यावर अद्याप संशोधन झाले नसल्याचे त्यांनी सांगितले.

मलेशियाचा दावा काय होता?
महत्त्वाचे वैद्यकीय नियतकालिक असलेल्या 'सेल'मध्ये जून महिन्यात प्रकाशित झालेल्या लेखात D614G प्रकारचा करोना विषाणू अधिक वेगाने पसरत आहे. करोनाच्या नव्या म्यूटेशनचे गंभीर परिणाम समोर येऊ शकतात. त्यामुळे आतापर्यंत लस बनवण्यासाठी घेतलेली मेहनत आणि खर्च वाया जाण्याची शक्यता असल्याचे म्हटले होते. एका महत्त्वाच्या वैद्यकीय नियतकालिकात याची माहिती प्रकाशित झाल्यामुळे जगभरात याची चर्चा झाली.

Recent Posts