loader
Foto

जास्त पैसे खर्च केल्याने हटकले; पत्नीने पतीला पळवून पळवून मारले

दिल्लीतील मयूर विहार परिसरातील एका व्यक्तीला त्याच्या पत्नीने बेदम मारहाण केली. जास्त पैसे खर्च केल्याने त्याने तिला हटकले आणि घरखर्चासाठी आणखी पैसे देण्यास नकार दिला. त्यामुळे तिला भयंकर राग आला. तिने वायपरने त्याला बेदम मारले. त्याने कशीबशी आपली सुटका करून घेतली.

या घटनेची माहिती शेजाऱ्यांनी पोलिसांना दिली. पतीला जखमी अवस्थेत लालबहादूर शास्त्री रुग्णालयात नेण्यात आले. तिथे उपचारानंतर त्याला डिस्चार्ज देण्यात आला. पोलिसांनी पतीने दिलेल्या जबाबानंतर पत्नीविरोधात गुन्हा दाखल करून चौकशी सुरू केली आहे. मयूर विहार पोलीस ठाण्यातील अधिकाऱ्यांनी दिलेल्या माहितीनुसार, पीडित व्यक्ती आपल्या कुटुंबासोबत त्रिलोकपुरीत राहते. त्याचा स्वतःचा व्यवसाय आहे. लॉकडाऊननंतर व्यवसाय मंदावला. घरखर्च भागवताना त्यांना तारेवरची कसरत करावी लागत आहे. त्यामुळे पती-पत्नीत खटके उडू लागले. सोमवारी पती बाहेरून घरी आला. त्यावेळी पत्नीने त्याच्याकडे घरखर्चासाठी पैसे मागितले. पतीने पैसे नाहीत आणि मित्राकडून उसने पैसे घेणार असल्याचे सांगितल्याने तिला राग आला. पती घराबाहेर जात असतानाच तिने दरवाजातच त्याला रोखले. घरातील वायपरने त्याला मारहाण करण्यास सुरुवात केली. या मारहाणीत तो जखमी झाला. शेजाऱ्यांनी याबाबत पोलिसांना माहिती दिली. तसेच त्यांनी जखमी अवस्थेत त्याला रुग्णालयात नेले. रुग्णालयात गेलेल्या पोलिसांनी पतीच्या जबाबाच्या आधारे पत्नीविरोधात गुन्हा दाखल केला असून, चौकशी सुरू केली आहे.

Recent Posts